Вулканска прашина одложи на 30 летови од меѓународниот аеродром во Џакарта

Меѓународниот аеродром „Сукарно-Хата“ во Џакарта ја продолжи забраната за летови до недела во 9:30 часот по локално време поради вулканска пепел од ерупцијата на Анак Кракатау. Прекинот на авиосообраќајот првично требало да трае до 5:30 часот, а според индонезиското Министерство за транспорт, одложени се најмалку 33 летови, меѓу кои и неколку меѓународни.

Вулканот Анак Кракатау е активен веќе неколку дена, а вулканска пепел била забележана на подрачјето на аеродромот рано во неделата. Надлежните служби ја следат ерупцијата и нејзиното влијание врз безбедноста на воздушниот сообраќај.
Индонезиската агенција за справување со катастрофи соопшти дека засега не постои непосредна опасност од цунами предизвикано од активноста на вулканот.