Српскиот претседател Александар Вучиќ изјави дека е подготвен да биде кандидат за премиер доколку за тоа ја добие поддршката од Српската напредна партија. Вучиќ рече дека има уште неколку дена за распишување предвремени парламентарни избори, а крајниот рок е 10 септември, додека како можни датуми за гласање се споменуваат 18 и 25 октомври.
Раководството на СНС наскоро треба да одлучува за изборната листа и за можноста Вучиќ да биде кандидат на партијата за претседател на Владата. Вучиќ најави дека доколку добие поддршка и биде во позиција да формира влада, неговиот кабинет би имал најмногу 12 министри.
Со ова српскиот претседател досега најдиректно ја отвори можноста повторно да се врати на премиерската функција, која ја извршуваше пред да стане претседател на Србија.
