Најмалку 15 лица загинаа, а 130 се повредени во руски напад со дронови врз трговски центар во Криви Рих, соопштија украинските власти. Меѓу повредените има 23 деца, а 29 лица се здобиле со тешки повреди.
Украинскиот претседател Володимир Зеленски изјави дека нападот врз неговиот роден град бил изведен во два брана. Вториот удар следувал околу половина час по првиот, кога спасувачките и полициските екипи веќе биле на местото на нападот. Според локалните власти, во вториот напад бил употребен дрон од типот „Шахед“ со млазен погон, а беспилотните летала се движеле на исклучително мала височина.
По нападот започнала евакуација на посетителите и гаснење на големиот пожар кој зафатил околу една третина од трговскиот центар. Интервенцијата на спасувачите била отежната поради постојаната опасност од нови воздушни напади. Украинските власти соопштија и дека има лица со кои сè уште не може да се воспостави контакт, додека целосните размери на штетата допрва се утврдуваат.
Криви Рих и претходно беше цел на смртоносни руски напади, меѓу кои и ракетниот удар во април 2025 година во кој загинаа 19 лица, од кои девет деца.
🤬 The moment a Russian UAV hit a shopping center in Kryvyi Rih
➡️ The attack killed 15 people. Another 130 people were injured, including 23 children.
➡️ Firefighting and search and rescue operations are ongoing. pic.twitter.com/4tNRbjzPD6
— MAKS 26 🇺🇦👀 (@Maks_NAFO_FELLA) August 21, 2026
