Делови од Скопје денеска ќе останат без вода и електрична енергија поради планирани работи на водоводната и електродистрибутивната мрежа.
Според информациите од Регионалниот центар за управување со кризи (РЦУК) – Скопје, повикувајќи се на ЈП „Водовод и канализација“, од 8:30 часот без вода ќе бидат корисниците на улицата „Мирослав Крлежа“ во Општина Центар.
Причина за прекинот е поврзување на нова водоводна мрежа со пречник од 100 милиметри, а водоснабдувањето ќе биде обновено по завршување на работите.
РЦУК информира и за планирани прекини во снабдувањето со електрична енергија.
Од 6 до 13 часот без струја ќе останат жителите на селото Мралино, бензинската пумпа „Дади компани“ во Мралино, како и делови од населбата Дрма во Општина Илинден.
Во периодот од 8:30 до 14 часот електрична енергија нема да има ниту во делови од Општина Сарај, поточно во околината на Старата џамија и зад општинската зграда.
