Град Скопје со апел: Очекувајте застои поради реконструкција на мостот во Драчево

Град Скопје ги информира жителите на населбата Драчево дека Јавното претпријатие за државни патишта започнува со реконструкција на главниот мост над Маркова Река.

Поради изведувањето на градежните работи, во наредниот период се очекува отежнато одвивање на сообраќајот во овој дел од градот.

Од Град Скопје апелираат до граѓаните за трпение, разбирање и почитување на поставената сообраќајна сигнализација и режимот на сообраќај за време на реконструкцијата.

Градските власти посочуваат дека обновата на мостот е важен инфраструктурен проект кој ќе придонесе за поголема безбедност и подобри услови за сообраќај за сите учесници.

Поврзани вести:

Започнува јавната анкета за нацрт ДУП-от „Барутана“, граѓаните директно вклучени во одлучувањето

Наскоро започнува асфалтирањето на булеварот „Борис Трајковски“, најави Ѓорѓиевски

Делови од Центар и Сопиште денеска без струја

Заврши реконструкцијата на градинката „Кокиче“ во Кисела Вода

Утре авионска дезинсекција на подрачјето на Град Скопје

10 години од катастрофалната поплава во Скопје – со комеморација оддадена почит на 22-те загинати