Со денешната одлука на Регулаторната комисија за енергетика од полноќ се намалуваат малопродажните цени на нафтените деривати во просек за 5,81%.
Цената на бензините ЕУРОСУПЕР БС-95 и ЕУРОСУПЕР БС-98 се намалува за 4,00 ден/лит и новите цени се 87 денари односно 89,00 ден/лит.
Малопродажната цена на ЕУРОДИЗЕЛ се намалува за 8,00 денари и литар ќе чини 91,50 денари.
Цената на Екстра лесното масло за домаќинство (ЕЛ-1), се намалува за 6,00 ден за литар и новата цена е 92,50 ден/лит, а новата намалена цена на мазутот е 43,538 денари за килограм.
ТАБЕЛА БЕНЗИН
Највисоките малопродажни цени на нафтените деривати и горива за транспорт, изнесуваат:
– Моторен бензин – ЕУРОСУПЕР БС – 95 – 87,00 (денари/литар)
– Моторен бензин – ЕУРОСУПЕР БС – 98 – 89,00 (денари/литар)
– Дизел гориво – ЕУРОДИЗЕЛ БС (Д-Е V) – 91,50 (денари/литар)
– Масло за горење – Екстра лесно 1 (ЕЛ-1) – 92,50 (денари/литар)
– Мазут М-1 НС – 43,538 (денари/килограм)
