Со досега најголемиот музичко-сценски спектакл организиран во Македонија, вечерва на стадионот „Билјанини извори“ во Охрид продолжува одбележувањето на 35-годишнината од независноста на државата. Настанот
започнува во 19:30 часот, а преку музика, глума и танц ќе биде претставена приказната за трите и пол децении независност, со акцент на најзначајните историски моменти, предизвици и достигнувања.
Во рамки на караванот, спектаклот ќе гостува и во уште 11 градови, при
што следните настапи се закажани за 11 август во Битола и 12 август во Велес. На 15 август во Струмица концерт ќе одржат легендарните македонски бендови „Меморија“, „Мизар“ и „Синтезис“, а ден подоцна ќе
настапат светските диџеи Пол ван Дајк и Пол Окенфолд.
На 1 септември на плоштадот „Македонија“ ќе настапи шпанскиот тенор Хосе Карерас заедно со бројни македонски музички имиња, придружувани од Оркестарот на Филхармонијата. Кулминацијата на манифестацијата е закажана за 4 септември во Скопје со настап на повеќе од 120 уметници, додека музичката програма ќе заврши на 8 септември со концерт на Дејвид
Гета на арената „Тоше Проески“.
Манифестацијата „35 години независност
на Македонија“ започна на 2 август – Илинден во Битола.
