ВМРО-ДПМНЕ соопшти дека Македонија бележи силен раст на туризмот, при што во првите пет месеци од годинава бројот на странски туристи е зголемен за 23,6 проценти во споредба со истиот период лани. Од партијата наведуваат дека бројот на реализирани ноќевања е повисок за 18,7 проценти, што, според нив, е показател дека земјата станува сè поатрактивна туристичка дестинација.
Според нив позитивните резултати се должат на владините политики насочени кон подобрување на туристичката инфраструктура, транспортната поврзаност и условите за нови инвестиции. Како дополнителен показател го
посочуваат и извештајот на Светска банка, според кој бројот на патници во пристигнување е зголемен за 40 проценти на годишно ниво.
Од ВМРО-ДПМНЕ истакнуваат дека покрај летниот туризам, сè поголем развој
бележат културниот, историскиот, гастрономскиот и руралниот туризам.
Според партијата, зголемениот број туристи носи повеќе приходи за угостителите, туристичките водичи, занаетчиите и малите семејни бизниси, како и нови можности за локалниот економски развој. Посебен акцент,
велат, е ставен на руралниот туризам, за кој преку Програмата за рурален развој се обезбедува финансиска поддршка за инвестиции, отворање нови туристички содржини и нови работни места.
