Јавен обвинител од ОЈО Гостивар отвори постапка и побара притвор за 14-годишно дете, осомничено дека вршело продолжено кривично дело – Родосквернавење. Според гостиварското Обвинителство, детето во судир со законот, во февруари 2026 година во два наврати го искористил отсуството на родителите и извршил обљуба врз неговата 13-годишна сестра.
Малолетниот брат подолг временски период испраќал пораки со непристојна и експлицитна содржина на жртвата, а во два наврати против нејзината волја ја принудил на сексуални односи.
Податоците пак од Канцеларијата на народниот правобранител покажуваат алармантни размери на сексуалната злоупотреба на деца. Во последните шест години, од 2020 до 2025 година, 604 деца, претежно девојчиња, биле жртви на сексуална злоупотреба, а најголем дел од случаите се однесуваат на тешки кривични дела како силување на дете под 15 години, а дел се жртви на полово вознемирување како и прикажување на порнографски материјали, производство и дистрибуција на детска порнографија и родосквенравење.
Најголем број на жртвите се деца на возраст од 11 до 15 години, а околу 90 отсто се девојчиња, додека пак според етничката припадност, најмногу се од македонска и ромска националност.
