Награда од 10 милиони долари понуди САД за водачот на проиранската шиитска милиција во Ирак

САД понудија награда до 10 милиони долари за информации за водачот на ирачката шиитска милиција Катаиб Сајид ал-Шухада, поддржана од Иран.
Американскиот Стејт департмент, преку својата програма „Награди за правда“, го идентификуваше водачот и ја означи неговата група како терористичка организација, објавува „Гардијан“.
Во објавата на платформата X се наведува дека „членовите на оваа група убиле ирачки цивили и нападнале американски дипломатски мисии во Ирак, како и американски воени бази и персонал во Ирак и Сирија“.
Овој потег е дел од одговорот на САД и Израел на зголемените напади од страна на иранската мрежа на милитантни групи низ Блискиот Исток врз американски, израелски и сојузнички цели.