Папата Лав XIV остро го осуди убиството на демонстранти во Иран, откако американскиот претседател Доналд Трамп минатата недела го критикуваше дека не зборувал за тоа, додека се изјаснувал против војната меѓу САД и Израел против Иран.
Папата, по враќањето од турнејата во Африка, изрази жалење за смртта на голем број цивили и за пропаѓањето на мировните преговори меѓу Вашингтон и Техеран.
„Ги осудувам сите неправедни постапки. Го осудувам одземањето човечки животи“, изјави Папата, додавајќи дека кога државата носи одлуки со кои неправедно се одзема живот, тоа мора јасно да се осуди.
Трамп на 12 април на социјалните мрежи го нападна Папата, нарекувајќи го „ужасен“, поради неговите критики за војната во Иран и американската антимиграциска политика. Во друга објава, Трамп праша дали некој ќе му укаже на Папата за смртта на иранските демонстранти.
Според извештаи, иранските власти убиле илјадници луѓе за време на антивладините протести во јануари, а организациите за човекови права предупредуваат дека репресијата продолжува и во услови на војна.
Папата оцени дека ситуацијата останува неизвесна и хаотична. „Еден ден Иран вели ‘да’, САД велат ‘не’ и обратно. Не знаеме во која насока ќе се движат работите“, рече тој, додавајќи дека најголемата цена ја плаќаат невините граѓани на Иран.
