Уживајте и денеска во сонцето, од утре до среда повторно облаци и дожд

Сончево и релативно топло ќе биде и денеска, со слаб умерен ветер од северен правец. Минималната температура ќе биде во интервал од 3 до 9, а максималната од 17 до 24 степени.

И во Скопје ќе биде слично: сончево и релативно топло со слаб ветер од северен правец. Минималната температура ќе се спушти до 7, а максималната ќе достигне до 23 степени.

Веќе од утре до среда следува промена на времето со локални врнежи од дожд. Во некои региони на Македонија врнежите ќе бидат пообилни, а во вторник ќе има услови за изолирана појава на нестабилност со краткотраен пороен дожд, грмежи и засилен ветер.
Температурите ќе бидат во опаѓање.