Бензините поскапи за 7 денари по литар, а евродизелот за 6,5

Бензините се покачуваат за 7 денари по литар, а ЕУРОДИЗЕЛ за 6,5 денари по литар. Вака денеска одлучи Регулаторната комисија за енергетика.

Со новото зголемување ЕУРОСУПЕР БС-95 од вечерна на полноќ ќе чини 86,50 денари, а ЕУРОСУПЕР БС-98 – 88,50 денари. ЕУРОДИЗЕЛ ќе се точи за цена од 92 денари за литар.

Според одлуката, се зголемува и цената на Екстра лесното масло за домаќинство за 7 денари по литар и новата цена е 89,50 денари. Повисока цена, зголемена за 4,867 денари по килограм, од утре ќе има и за мазутот М-1 НС и ќе се продава за 47,453 денари.

Ова е второ поголемо покачување на цените на горивата во последните седум дена, откако минатиот понеделник цената на нафтата се зголеми за 14,5 денари а на бензините за 5 денари за литар.