Се сруши голем воен авион на САД во Ирак, во друг инцидент загина француски војник

Воен авион на САД специјализиран за полнење гориво се урна во Ирак, а француски војник бил убиен во регионот Курдистан исто така во Ирак. Со ова само се прошируваваат воените вртлози на Блискиот Исток кои почнаа со нападот на САД и Израел врз Иран.

Инаку, централната команда на САД соопшти дека големиот авион за полнење гориво KC-135 се урнал во западен Ирак, што предизвикал голема операција за спасување од страна на американската војска. Во соопштението се вели дека несреќата не е резултат на непријателски или пријателски оган.

Одделно, еден војник на Франција е убиен за време на напад со беспилотно летало во ирачки Курдистан. Француската војска претходно соопшти дека и најмалку шест војници се повредени.