Шпанската вицепремиерка Дијас: На Европа ѝ требаат лидери, а не вазали кои му се поклонуваат на Трамп

Една недела откако американскиот претседател Трамп ја нарече шпанската влада „ужасна” и се закани со прекин на трговските врски со Мадрид, шпанските лидери се уште се лути на германскиот канцелар Фридрих Мерц, кој молчел во Овалната соба додека Трамп ја изнесувал својата критика, пишува Политико.

Потпретседателката на шпанската влада Јоланда Дијас изјави дека Мерц е дел од сегашната генерација европски лидери „кои немаат поим како да управуваат со историскиот момент во кој живееме”.
„На Европа ѝ треба лидерство, а не вазали кои му се поклонуваат на Трамп”, изјави Дијас.