Агенцијата за маркетинг и односи со јавност ИДЕА ЛАБ освои две награди на овогодинешното издание на BEAM – Best of Event Awards Macedonia, со што уште еднаш го потврди своето место меѓу водечките ивент и ПР агенции во земјава.
Признание за најдобар ПР настан доби проектот „50 години две легенди – BMW серија 3 и Влатко Стефановски“, додека наградата за најдобар музички настан ѝ припадна на концертниот караван „Нека трепка“ на Сара Мејс.
Покрај освоените признанија, агенцијата имаше уште три значајни номинации – „Саем на книга“ во категоријата најдобар експо/саем настан, „Lazarov Awards“ за најдобар прес/ПР настан и церемониите на отворање и затворање на фестивалот ЕМОФ 2025 во категоријата најдобар спортски настан.
Од ИДЕА ЛАБ истакнуваат дека наградите се резултат на тимска работа, креативен пристап и внимателна продукција, со фокус на искуство што остава впечаток и гради силна бренд приказна.
BEAM е професионална награда што ги вреднува најуспешните и најкреативни настани реализирани во текот на годината, а добитниците ги избира стручно жири составено од експерти од маркетинг, ПР и продукциската индустрија.
ИДЕА ЛАБ во изминатите години е препознаена и како партнер на Superbrands, членка на глобалната мрежа PROI Worldwide и партнер на Алијансата за родова еднаквост (GEA).
