Правилата во спортот постојано се менуваат. Така, Светската ракометна федерација објави промена на четири правила, кои важат од денес.
Прво, удар во глава при пенал – повеќе не значи директен црвен картон
Една од главните измени е правилото што предвидуваше директен црвен картон, доколку играчот го погоди голманот во главата при изведување седмерец или слободен удар.
Со новите измени, казната ќе биде исклучување од две минути, под следниве услови:
- Кога играч во отворена ситуација го погодува голманот во глава,
- Кога играч го погодува голманот од седмерец, ако голманот не ја движи главата кон топката за да ја блокира,
- Кога при слободен удар по крајот на натпреварот, стрелец го погоди одбранбен играч во главата, ако тој не се движи кон топката.
Второ, се менува правилото за изведување на почетен удар
Досега судиите можеа да дадат сигнал за почеток ако топката и барем едното стапало на играчот биле во централниот круг, а со новото правило судиите може да дадат сигнал за изведување на почетниот удар, само ако топката и изведувачот се целосно внатре во кругот за изведување.“
Трето, се допрецизна дефиниција за правилото за чекори
Според овој изменет член во иднина на играчот ќе му биде дозволено да направи најмногу три чекори откако ќе ја прими топката од соиграч или ќе ја фати по одскок. Ако играч ја фати топката додека е во воздух, првото стапнување на едното или двете нозе нема да се смета како чекор.
Четрвтата промена на правило се однесува на топката надвор од терен.
Според промената не е дозволено играч да ја допре топката ако дел од телото му ја допира подлогата надвор од теренот. Тоа ќе резултира со слободен удар за противничкиот тим.
Новите правила веќе се применуваа на СП за младинци во Полска.
