Синдикалците пред владата: Mинимална плата од 600 евра или ќе продолжиме со блакада на институциите

Сојузот на синдикати со блокирање на пристапот до Владата, денеска повторно го истакна барањето за зголемување на минималната плата на 600 евра и ленарно покачување на сите други плати за 100 евра. Владата е третата институција што е блокирана од синдикатот откако минатата недела беа блокирани Парламентот и Стопанската комора.
Блокадата, како што објаснува ССМ, е затоа што Владата и работодавачите не се договориле за зголемување на платите на работниците и затоа што минатата година Владата не го прифатила предлогот за субвенционирање на дел од придонесите.
Инаку, од Владата неколку пати истакнаа дека оставаат синдикатот да се договори со работодавачите и секој договор ќе го прифати.