Охридското обивнителство отворило предмет по извештајот од државниот завод за ревизија во кој беа констатирани бројни нерегуларности

Јавното обвинителство отворило предмет врз основа на извештајот на Државниот завод за ревизија за Општина Охрид, во кој се констатирани сериозни неправилности, меѓу кои и нелегална изградба на хотели и на згради, недонесени урбанистички планови и пропусти во финансиското работење.

Од таму информираат дека ревизорскиот извештај е препратен до Основното јавно обвинителство во Охрид, каде што е формиран предмет и веќе се спроведуваат проверки.

Ревизијата покажа дека Општина Охрид нема усвоено урбанистички планови за 20 населени места, а во дел од нив биле реализирани градежни активности и без соодветни дозволи за градба.