Лидерска средба – можност за отворање на важни теми за Македонија, отсуствува само СДСМ

Лидерска средба на парламентарните партии денеска во Клубот на пратениците. Средбата се одржува на иницијатива на премиерот Христијан Мицкоски. Како што беше најавено ќе се расправа за реформски закони, за изборот на народен правобранител како и за  укинувањето на т.н. Пржинска влада.

Сепак, изборот на темите останува широк и како што најавија од Владата оставен е простор секој од учесниците да покрене точки за кои што смета дека се значајни.

Учество на средбата потврдија лидерите на ДУИ, Али Ахмети, на Левица, Димитар Апасиев, како и претставници на коалицијата Вреди и на движењето ЗНАМ. Единствено СДСМ и Венко Филипче го одбија повикот и нема да одат на средбата.