Голем дел од општинските претпријатија во Македонија лани работеле со загуба. Во Скопје се најголемите загубари, а врвот го држи „Водовод и канализација”.
Ова скопско претпријатие има загуба од 4,2 милиони евра, а на второ и трето место се скопските „Улици и патишта” со 2,6 милиони евра и „Комунална хигиена” со 1,2 милиони евра загуба.
Како што покажува анализата на Центарот за граѓански комуникации, вкупните загуби на локалните јавни претпријатија во земјава достигнале 17,4 милиони евра и се зголемени за 56 проценти во однос на 2023 година.
Од друга страна покрај загубите и долговите се дополнителен тежок товар за ваквите претпријатија. Од 128 анализирани претпријатија, 126 имаат акумулирани обврски во висина од 193,2 милиони евра. Повторно, на врвот е скопскиот „Водовод и канализација” со долг од 53,3 милиони евра.
