Фрапантни се бројките кои ги покажа системот „Безбеден Град” на МВР. За само 12 часа камерите констатираа неверојатни 65.000 прекршоци. Ептен загрижува податокот дека дури 2.800 возачи поминале на црвено светло што носи многу висок ризик во сообраќајот.
Дали овие алармантни бројки ќе предизвикаат освестување дека се претерало? Ќе дојде ли до вразумување на огромниот број на здивени возачи по активирање на системот?
Досегашното контролирање на сообраќајниците полицајци не успеа во тоа. Во просек дневно се пишуваа по околу 500 – 600 казни и еве сега се виде дека тоа било како мечка да плашиш со решето.
Новиот систем е нешто сосема друго. Но пред се, мора и без казни да се смени однесувањето на сите учесници во сообраќајот. Инаку, ако вака се продолжи, системот ќе прегори за два дена оти ќе не може да постаса да изнапише илјадници казни.
