Џенифер Лопез блескалаа во гламур на доделувањето на наградите „Governors“ во Лос Анџелес
Голем број холивудски ѕвезди присуствувале на доделувањето на наградите „Governors“ синоќа во Лос Анџелес. Црвениот тепих ги собрал најпознатите личности од светот на филмот на посебна церемонија организирана од Американската академија за филмски уметности и науки, истата што ги доделува Оскарите. Овој годишен настан доделува почесни Оскари, награди кои не се дел од главната церемонија.
Една таква церемонија не можела да помине без дивата меѓу актерките, Џенифер Лопез. Таа блескала во екстравагантен фустан со длабоко деколте и претежно црна боја од Тамара Ралф за есен/зима 2025.
Фустанот има црн, кадифен централен дел инспириран од песочен часовник, во комбинација со драматично долги оперски ракавици. Другата половина од фустанот во боја на слонова коска е покриена со проѕирен црн тил за малку готски ефект, што Џенифер знае како совршено да го изведе.
View this post on Instagram
Џеј Ло ја носела својата препознатлива медено руса коса во разбушавена пунџа со неколку прамени што го врамуваат нејзиното лице. Изгледот го комплетирала со обетки со голема бисерна основа и дијамантски детали.
Нејзиниот најнов филм, „Бакнежот на жената-пајак“, е во кината од почетокот на октомври, а некои дури предвидуваат дека ќе биде номинирана и за Оскар.
Фото: Принтскрин/Instagram
