Американската актерка Ема Стоун е прогласена за најубава жена во светот според ново истражување во кое е користен златниот сооднос. Тоа е антички грчки метод на пресметување што ја одредува физичката совршеност на една личност.
Колку е лицето поблиску до соодносот 1:1.618, толку е „посовршена“ личноста. Се мери должината и ширината на лицето на една личност, а потоа се споделуваат резултатите. За време на ренесансата, уметниците и архитектите ја користеле оваа равенка, позната и како Фи. Благодарение на неа, тие ги создале своите ремек-дела. Ема Стоун е на првото место со вкупен резултат од 94,72 проценти.
View this post on Instagram
„Ема Стоун беше убедлив победник кога сите црти на лицето беа оценети за физичка совршеност. Таа постигна највисок резултат за веѓите (94,2 проценти) и високи резултати во сите други категории. Таа има речиси совршена вилица со резултат од 97 проценти и убаво пропорционирани усни со 95,6 проценти. Таа е на врвот поради нејзината постојана извонредност во сите елементи на златниот сооднос“, рекол пластичниот хирург Џулијан Де Силва, објавува Daily Mail.
Де Силва користел компјутеризирани техники за мапирање на лицето базирани на златниот сооднос.
„Овие сосема нови техники за компјутерско мапирање ни овозможуваат да решиме некои од мистериите за тоа што го прави некого физички убав, а технологијата е корисна при планирање на операции на пациенти“, рекол тој.
На листата на најубави жени во светот се нашле и Зендаја, Фрида Пинто, Ванеса Кирби, Џена Ортега, Оливија Родриго, Марго Роби, Ајшварја Раи Бачан, Танг Веи и Бијонсе.
Фото: Принтскрин/Instagram
