Кина пушти во употреба нов носач на авиони демонстрирајќи воена моќ

Кина го пушти во употреба најновиот и најмодерен носач на авиони. Огромниот воен брод „Фуџијан” и официјално стана дел од оружените сили на Кина во присуство на претседателот Си Џинпинг.
Ова се случува во време кога САД најавуваат нуклеарни проби, а Русија тестира нови ракети. Воедно ова преставува и значаен чекор напред за Пекинг во обидите да се изедначи со поморската моќ на Вашингтон.
За време на церемонијата уште еден кинески носач на авиони беше закотвен во близина, што го зголеми впечатокот за демонстрација на воена моќ.