„Ураганот на векот“ како што го нарекоа ја погоди синоќа Јамајка. Штетите се толку големи што опоравувањето би можело да трае и со години.
Директорот на Американскиот национален центар за урагани (НХЦ), Мајкл Бренан изјави дека можеби ќе бидат потребни денови или седмици за целосно да се опфати обемот на она што се случува сега и што ќе се случува во наредните часови. Тој додаде дека прекинатите комуникации и расфрланите остатоци го отежнуваат пристапот до многу области кои се целосно изолирани поради ураганот.
Hurricane Melissa hits Jamaica, flooding overwhelms a gas station in Black River.#earthquake #HurricaneMelissa#MelissaHurricane #MelissaStorm#HurricaneMelissa2025 pic.twitter.com/0QNxhv7hzz
— Scorpweb 🦂 (@Scorpwebb) October 28, 2025
Од американскиот центар објавија и дека „Мелиса“ ослабела на ураган од четврта категорија додека се движи преку северозападниот дел на Јамајка.
Ураганот ја погоди Јамајка како ураган од петта категорија со ветрови од 295 километри на час, што ја прави најсилна бура досега забележана во земјата. И додека минува преку островот, таа сè уште носи разорни ветрови, обилни дождови и опасни поплавни бранови.
Обединетите нации претходно ја нарекоа „Мелиса“ „бура на векот“, додека премиерот Ендру Холнес предупреди дека ќе предизвика „катастрофална штета“.
Климатологот Мајкл Тејлор за Си-Ен-Ен изјави дека, иако инфраструктурата во урбаните области како Кингстон значително се подобрила во последниве години, руралните и неформалните населби и понатаму се исклучително ранливи. Јамајканската електрична мрежа била под оптоварување уште пред ураганот да стигне до копното.
🌪️ 📷 Imagens chocantes de Kingston, Jamaica, mostram os estragos do furacão Melissa, que avança pelo Caribe com força devastadora. 📷#Hurricanemelissa #Melissa #Jamaica pic.twitter.com/DwzYCPNKq3
— Leonardo Z Vieira (@mkidzv) October 28, 2025
Се очекува ураганот „Мелиса“, кој како бура од петта категорија ја опустоши Јамајка, најверојатно ќе биде последен што го носи тоа име во Атлантскиот Регион, објавија метеоролозите. Имињата на тропските бури и урагани се користат повторно на секои шест години, освен ако некоја бура не предизвика толку голема штета или смртни случаи што името се повлекува од употреба.
Со оглед на разорното влијание на „Мелиса“ на Карибите, се очекува името да биде пензионирано и заменето со ново што започнува со истата буква.
Досега се потврдени три смртни случаи.
🇯🇲⚡- Scenes from Black River, #Jamaica, as #HurricaneMelissa passes through.
🌀🌀🌀🌪🌪🌪— Mahalaxmi Ramanathan (@MahalaxmiRaman) October 28, 2025
