Извод за новороденче во Македонија конечно ќе се добива по електронски пат. Како што соопштија од Министерството за дигитална трансформација родителите преку Националниот портал за услуги uslugi.gov.mk ќе поднесат барање за извод и ќе го добијат најдоцна до 48 часа од раѓањето на бебето. Министерот Андоновски рече дека истото ова се планира да важи и за приватните болници. Од канцеларијата на УНИЦЕФ бил поддржан проектот е-бебе а родителите е потребно само да креираат профил на порталот uslugi.gov.mk. “Министерството за дигитална трансформација искористувајќи ја Националната платформа за интероперабилност и Националниот портал за услуги uslugi.gov.mk, спроведе поврзување на сите засегнати институции, Министерството за внатрешни работи, Управата за водење на матичните книги, Министерството за здравство – Управа за електронско здравство и соодветните јавни здравствени установи, во процесот за целосно автоматизирано пријавување на новороденчето“, велат од Министерството. Како втора фаза од проектот се планира до крајот на 2026 да бидат поврзани и услугите за здравствено осигурување од Фондот за здравство, како и услугите на помош за новороденче кои ги издаваат Министерството за социјална политика, демографија и млади”, рекол Андоновски.
МОЖЕБИ ЌЕ ВЕ ИНТЕРЕСИРА: