Tрамп со војска воведува ред во повеќе градови, демократите му најавуваат тужби

Државата Илиноис и градот Чикаго ќе го тужат претседателот Трамп затоа
што распоредува војска која, според него, треба да воведе ред на
тамошните улици. Ова не е прва држава каде што се случува ова, оти во
последните месеци припадници на Национална гарда по негова наредба се
веќе присутни во Вашингтон, Мемфис и Портланд, што предизвика различни
реакции од јавноста. Трамп тврди дека употребата на федерални сили е
неопходна за сузбивање на насилство во градовите, борба против
криминалот и поддршка во справувањето со нелегалните доселеници, но од
друга страна, неколку демократски гувернери му одат контра и остро се
спротивставуваат.
Тој сепак планира проширување на оваа акција и во Њујорк, Њу Орлеанс,
Балтимор и Оукленд.
Поддржувачите на Трамп тврдат дека распоредувањето на Националната гарда
донело брзи резултати, како што е намалување на криминалот и дека е
неопходно поради “неспособноста на демократите да воспостават ред во
своите држави”.