Жители на Маџир Маало алармираат за сериозна нехигиена во населбата и бараат итна реакција од Град Скопје и Општина Центар.
Тие велат дека со месеци живеат со преполни и оштетени контејнери, натрупан отпад и смрдеа, иако се на само неколку стотини метри од најстрогиот центар на Скопје.
Дополнителен проблем, според нив, е руиниран објект во близина на домовите кој станал жариште на стаорци. Како најзагрозени ги посочуваат улиците „Охридска“ и „Петричка“, како и улиците над кејот, каде со денови останува и кабаст отпад.
Жителите тврдат дека повеќепати се обратиле до надлежните институции, но досега не добиле ниту конкретен одговор ниту решение за проблемот.
Поврзани вести:
МОЖЕБИ ЌЕ ВЕ ИНТЕРЕСИРА: