„Направивте се минатата година да ме соборите од власт, со многу други надворешни фактори, инвестирани милијарди евра, не успеавте. Јас не сум ви Слободан Милошевиќ, не сум ниту наивен, ниту глупав да ви верувам“, рече српскиот претседател Александар Вучиќ, во видео објава на Инстаграм и испрати порака до потенцијален агресор против Србија во која нагласи дека – „Слободата е најважната работа за еден Србин“.
Тој вели дека ќе го одржи мирот, но „ќе бидеме подготвени да дадеме соодветен одговор на секој потенцијален агресор“. „Толку силни што никогаш повеќе нема да им падне на ум да го допрат српскиот народ“, заклучи Вучиќ.
Тој синоќа изјави дека се надева дека нема да биде премиер на Србија по следните парламентарни избори, но не ја исклучи таа можност, наведувајќи дека се зависи од тоа што ќе покажат анкетите на јавното мислење. Со оглед на тоа што вториот претседателски мандат на Вучиќ завршува и дека тој повеќе нема право повторно да се кандидира за таа функција, тој практично ги потврди шпекулациите дека ќе има обид за борба да биде шеф на владата, јавија белградски медиуми.
