Водата за пиење во Гостивар и денеска остана тема на меѓусебни обвинувања меѓу власта и опозицијата. Од СДСМ тврдат дека Владата сè уште нема објавено официјален документ со кој се потврдува дека водата е технички исправна и обвинуваат дека присуството на бактериите било прикривано.
Од партијата бараат кривична одговорност од премиерот Христијан Мицкоски, министерот за здравство и сите надлежни институции.
Од ВМРО-ДПМНЕ, пак, возвратија дека Венко Филипче треба да објасни зошто не реагирал на проблемите со водата во Гостивар додека бил министер за здравство. Според владејачката партија, официјални анализи од периодот 2020–2023 година покажуваат дека и тогаш биле евидентирани сериозни отстапувања во квалитетот на водата.
И двете партии бараат одговорност, но меѓусебно ја префрлаат вината за состојбата со водоснабдувањето во Гостивар.
