Владата денеска во 11 часот ќе одржи вонредна седница на која ќе се разгледува состојбата со цените на горивата, во пресрет на можен нов раст поради турбуленциите на светските нафтени берзи. Потоа, прес-конференција ќе одржи премиерот Христијан Мицкоски на која ќе информира за донесените одлуки.
Претходно, вчера, Мицкоски најави дека Владата ќе донесе одлука за намалување на акцизите, со цел да се ублажи ценовниот притисок и да се спречи ново поскапување.
„Според овие калкулации, дизелот требаше да поскапи околу 7 денари, а бензините околу денар и пол до два. Исполнети се условите да ги намалиме акцизите – за дизелот за 4 денари по литар, а за бензините за 2 денари по литар“, изјави Мицкоски.
Според најавите, цената на дизелот се очекува да останат исти, додека бензините би можеле да поевтинат за околу половина денар, зависно од тоа, како што објасни Мицкоски, дали ќе продолжат попустите од компанијата ОКТА.
Конечната одлука за цените, како и досега, ќе ја донесе Регулаторната комисија за енергетика во понеделник. Премиерот нагласи дека Владата ќе ја продолжиме и со мерката за намалување на ДДВ за горивата за уште две недели.
