Влада: до 15 октомври ќе бидат отстранети сите дефекти на мрежата за централно греење во Скопје

До официјалниот почеток на грејната сезона, 15 октомври, сите дефекти во скопскиот топлификациски систем ќе бидат отстранети. Ова денеска го соопшти Владата. Од таму стигна објаснување дека за време на летните проби откриени се околу 80 дефекти во дистрибутивната мрежа во Скопје кои се санирани. Но, како што посочуваат поради староста на мрежата настанале нови пукнатини на два секундарни вода, по што одредени реони во Скопје, привремено останаа без топлинска енергија на 2 и на 3 октомври. Сето тоа како што е најавено ќе се поправи до 15 октомври.