Основното јавно обвинителство за гонење на организиран криминал и корупција поведе постапка против виш јавен обвинител во Вишото јавно обвинителство Битола, поради постоење на основи на сомнение дека сторил кривично дело – Примање награда за противзаконито влијание.
Обвинителството соопшти дека преку повеќе дејствија и примена на посебни истражни мерки, се обезбедени докази кои упатуваат на основано сомнение дека тој го искористил своето реално влијание и службената положба што ја извршувал за недозволено да влијае врз одлучувањето на колеги јавни обвинители и судии во најмалку 4 поединечни предмети, на подрачјето на кое ја вршел својата функција.
Притоа, ургирал за пониски казни или за да обезбеди поповолна позиција за осомничени или обвинети лица во кривична постапка.
Вчера дополнителни докази за осомничениот биле обезбедени при претрес во неговиот дом и во просториите на вишото јавно обвинителство Битола, а надлежен јавен обвинител од судија на претходна постапка побара да определи мерки на претпазливост – одземање на патна исправа и оддалечување од работното место.
Јавноста очекува случајот да се расчисти до крај и да се утврди дали имало евентуални посредници, помагачи или други вмешани лица.
