Голем пожар вчера попладне го зафати грчкиот остров Тасос, кој е една од омилените летни дестинации за македонските туристи.
Огнот избувнал во шумски предел. Локацијата е меѓу популарните туристички места Потос и Пефкари. Силниот ветар придонел за брзо ширење на пламените јазици низ боровата шума, што предизвикало голема загриженост.
Пожарот предизвикал паника меѓу туристите. Како мерка на претпазливост, евакуиран е и еден хотел кој се наоѓал во близина. На социјалните мрежи се појавија драматични снимки од огнот и од чадот. На нив се гледа како туристите ги напуштаат плажите.
Според грчките медиуми, причината за пожарот е удар на гром. Громот удрил за време на сува бура што го зафатила островот вчера попладне. Во гаснењето учествуваа голем број на пожарникари, волонтери, како и авиони и хеликоптери.
Според последните информации, пожарот сега е во фаза на стивнување. Нема активни фронтови, но постојат многу мали, расфрлани жаришта. Поради силниот ветар, опасноста од повторно разгорување е сè уште голема. Воздушната поддршка ќе продолжи и денес. Во моментов, нема опасност за населените места.
🚨 BREAKING: A major wildfire is burning on Greece’s Thasos Island. Strong winds are worsening conditions as reinforcements from Kavala arrive overnight. Most of the island is without power, and several roads are closed. Stay safe and follow updates. #ThasosFire #Wildfire #Greece pic.twitter.com/J6UTB3lWhx
— TheWorld'sEyeUSA (@TheWorldsEyeUSA) July 10, 2025
