Се нормализира превозот во Скопје, откако денес линиите на приватните превозници се вратија во нормално функционирање. Вчера попладне им бил исплатен дел од долгот, кој беше причина приватните авобуси да возат само до 10 часот.
Скопјани задоволни дека нема да бидат ставени во незавидна ситуација да чекаат автобуси кои нема да дојдат, но и стравуваат дека наскоро повторно ќе се најдат во истата ситуација, затоа што ситуацијата не се решава системски.
Превозниците нагласуваат дека иако сумата од по 6 милиона денари што им била исплатена е мала во однос на севкупниот долг, сепак ќе е доволно да издржат десетина дена и се надеваат дека дотогаш ќе имаат нова уплата од ЈСП за да можат без прекин да работат.
Тие објаснуваат дека средствата треба навремено да се уплаќаат бидејќи автобусите треба редовно да се сервисираат, но и да се купи гориво за да возат и да нема прекин, а граѓаните да не чекаат по автоубуските станици.
МОЖЕБИ ЌЕ ВЕ ИНТЕРЕСИРА: