Оваа пита од пченка внесува делче од Медитеранот во секоја кујна. Слатките пиперки, сочните маслинки и чери доматите совршено се вклопуваат во златно тесто од пченкарно брашно и сирење. Лесна, миризлива и полна со бои, оваа пита е совршен избор за вечера, пикник или здрава ужина што плени и по изглед и по вкус.
Состојки:
3 јајца
1 чаша јогурт
½ чаша масло
7 лажици пченкарно брашно
6 лажици ‘ржани снегулки
1 лажичка прашок за пециво
100–150 г фета (издробено)
50–80 г рендана гауда
маслинки
цери домати
пиперка
сув или свеж босилек по вкус
Подготовка:
Изматете ги јајцата и додадете јогурт и масло. Измешајте пченкарно брашно, ‘ржани снегулки и прашок за пециво. Додадете издробено фета сирење и нежно измешајте. Истурете ја половината од смесата во намастен или со хартија покриен сад за печење. По неа распоредете сечкани маслинки, чери домати, пиперка, малку рендана гауда и босилек. Прелијте со остатокот од смесата, потоа повторно наредете од зеленчукот и малку сирење одозгора. Печете во рерна загреана на 180°C околу 35-40 минути, додека питата не добие златно-кафеава боја и златна кора.
Послужување:
Сервирајте ја топла со свежа салата или кисело млеко.
Фото: Принтскрин/Instagram