Две лица се уапсени, откако повеќе патници вечерва беа избодени во воз кој патувал кон Кембриџ, соопшти британската сообраќајна полиција.
Инцидентот се случил во воз на компанијата „Лондонска североисточна железница“ (LNER) на линијата за Хантингдон. На местото на настанот стигнале повеќе од 30 вооружени полицајци, по повикот до итните служби.
Се уште не се објавени детали колку лица се повредени, ниту колку сериозни се повредите. Портпаролот на Итната помош на Источна Англија потврдил дека повеќе пациенти биле пренесени во болница, по итната мобилизација на здравствените служби на железничката станица Хантингдон.
За инцидентот се огласи и британскиот премиер Стармер, кој на социјалната мрежа Х напиша дека настанот е длабоко загрижувачки:
„Страшен инцидент во воз блиску до Хантингдон предизвикува голема загриженост. Моите мисли се со сите погодени. Им се заблагодарувам на итните служби за нивната брза реакција“, напишал Стармер.
The appalling incident on a train near Huntingdon is deeply concerning.
My thoughts are with all those affected, and my thanks go to the emergency services for their response.
Anyone in the area should follow the advice of the police.
— Keir Starmer (@Keir_Starmer) November 1, 2025
