Централното градско подрачје на Скопје, како и делови од Ѓорче Петров и Аеродром денеска ќе бидат под посебен режим на сообраќај, поради Велигден.
Па така, во периодот од 18:00 часот па до завршувањето на манифестацијата по повод празник „Воскресение Христово-Велигден“, во центарот на град Скопје по потреба за сообраќај ќе бидат затворени: Булеварот „Партизански Одреди“ од крстосница со улицата „Франклин Рузвелт“ до крстосница со булеварот „ВМРО”, Булеварот „Св.Климент Охридски“ од крстосница со булеварот „Илинден“ до крстосница со улицата „Димитрие Чуповски”, Улицата „Митрополит Теодосиј Гологанов“ од крстосница со улицата „9-ти Мај” до кружна крстосница со улицата „Св. Кирил и Методиј“.
На автобусите што минуваат преку мостот „Гоце Делчев” по потреба ќе им се менува трасата на движење при што истите ќе се движат по булеварот „Илинден” и преку улицата „Франклин Рузвелт” ќе се вклучуваат на булеварот „Партизански Одреди“, додека автобусите кои што минуваат преку центар ќе се движат по улицата „М.Т.Гологанов“ па преку улицата „Франклин Рузвелт“ ќе се вклучуваат на булеварот „Партизански Одреди“ и во спротивна насока автобусите ќе ги користат истите сообраќајници.
Во општина Ѓорче Петров по потреба за сообраќај ќе се затвори улицата „Македонска Војска“ пред црквата „Свети Петар и Павле“ на потегот од крстосница со булеварот „Партизански Одреди“ до улицата „Ѓорче Петров“.
Во општина Аеродром по потреба за сообраќај ќе биде затворен локалниот пат кон село Лисиче.
По потреба за сообраќај ќе бидат затворени и други сообраќајници кои гравитираат околу верските објекти.
