Ракометарите на Вардар ја прекинаа серијата од 14 победи, по поразот од шведскиот Кристијанштад со 32-31 во третото коло од Е групата на Европската лига.
Вардар поведе со 2-3, но домаќините направија серија од четири гола и презедоа контрола. На полувреме Кристијанштад водеше со 14-11. Во второто полувреме Вардар израмни неколкупати и дури поведе со 30-29 три минути пред крајот, но во финишот не реализираше напад при 31-31, а Мансон со гол во последните секунди му донесе победа на шведскиот тим.
Мансон беше најефикасен со 12 погодоци, а за Вардар најдобар беше Дмитро Хориха со 8 гола. Голманот Милош Шалах имаше 18 одбрани.
По овој резултат, Кристијанштад е прв на табелата со 5 бодови, Вардар има 4, Сесвете 3, а Тулуз е без бод. Реваншот меѓу Вардар и Кристијанштад ќе се игра во Скопје на 18 ноември.
