Дефанзивецот на Ливерпул и капитен на холандската репрезентација, Вирџил ван Дајк, изјави дека постои можност да се повлече од националниот тим по завршувањето на Светското првенство во 2026 година.
Тој нагласи дека конечната одлука ќе ја донесе по Мундијалот, откако ќе одвои време за одмор и ќе направи пресек на сè што се случувало во изминатиот период.
„Ќе размислам за тоа дури по Светското првенство. Потоа ќе одвојам малку време за одмор и ќе се помирам со сè што се случи со Ливерпул минатата сезона. Се надевам дека ќе го направам ова со трофејот во раце“, изјави Ван Дајк.
Тој додаде дека евентуалната титула би била успех не само за него, туку и за целата Холандија.
Ван Дајк дебитираше за репрезентацијата во 2015 година и досега има одиграно 91 натпревар и постигнато 12 голови.
Холандија на Светското првенство во 2026 година ќе игра во група со Јапонија, Шведска и Тунис.
