Три лица се уапсени поради напад врз 14-годишно момче што се случи минатата недела на подрачјето на Гази Баба. Според полицијата, тие околу 23:05 часот на 22 јуни физички го нападнале малолетникот, при што му нанеле повреди со остар предмет.
Родителите на момчето тврдат дека напаѓачите без причина започнале да го тепаат, а едно од лицата извадило нож и го прободело. Од здобиените повреди детето паднало во бесознание, а напаѓачите избегале од местото на настанот. Повреденото момче го пронашол случаен минувач, кој повикал Итна медицинска помош и полиција, по што било пренесено во Ургентниот центар каде било оперирано.
Од МВР информираат дека со осомничените се извршени службени разговори и дека по целосното документирање на случајот ќе биде поднесена кривична пријава.
