Уапсена жена од Демир Капија поради семејно насилство врз сопругот

Полицијата во Неготино лиши од слобода 36-годишна жена од Демир Капија, поради сомнение дека извршила семејно насилство врз својот сопруг. Инцидентот се случил вчера попладне во нивниот заеднички дом.

Според информациите од СВР Велес, жената физички го нападнала својот 58-годишен сопруг, по што случајот бил пријавен во полиција.

„Вчера во 17 часот, полициски службеници од ОВР Неготино ја лишија од слобода 36-годишната жена, постапувајќи по пријава дека во домот физички го нападнала нејзиниот сопруг“, соопштија од полицијата.

За настанот е известен јавен обвинител, а осомничената била спроведена во соодветна здравствена установа. По целосно документирање на случајот, против неа ќе биде поднесен соодветен поднесок.