Уапсен е вработен во Основниот суд Гостивар осомничен за примање мито

Лишен од слобода вработен од Основниот суд во Гостивар поради сомнение дека примал поткуп. Според информации на МВР, осомничениот е приведен по пријава на жител од село Калиште, кој пријавил дека вработениот во судот преку заеднички пријател му побарал паричен надомест од 100 евра, за да избрише судска казна од 200 евра за изречена забрана за возило.

Инаку по нивната средба пријавителот му рекол дека е новинар и дека е снимен разговорот, по што осомничениот се бранел велејќи дека на шега му побарал пари. Вработено лице во судот е задржано во полициска станица и против него ќе биде поднесена кривична пријава.