Турист од Грузија почина во водите на Охридското Езеро кај Пештани

Турист од Грузија вчера го загубил животот во водите на Охридското Езеро, во близина на Пештани, информираат од СВР Охрид.

Според информациите од полицискиот билтен, во 14:32 часот било пријавено дека од езерото кај Пештани било извлечено машко лице. На местото веднаш пристигнала екипа на Итната медицинска помош, која се обидела да го реанимира, но лекар констатирал смрт.

На телото не биле забележани видливи повреди.

Со преземените мерки било утврдено дека станува збор за 46-годишниот Б.Д. од Грузија.

Полицијата извршила увид на местото, а по наредба на јавен обвинител телото е предадено на обдукција. Причините и околностите за смртта дополнително треба да бидат утврдени.

Поврзани вести:

Пронајден починат директорот на телевизијата „Алсат“ во близина на ТЦ „Мавровка“

Тројца жители на Џепчиште приведени откако полицијата кај нив пронашла марихуана

ЦУК: Два пожари сè уште активни, 12 изгаснати низ Македонија

Пронајдена бомба во водите на Охридското Езеро кај Пештани

Двајца малолетници лишени од слобода во Скопје, се сомничат за разбојништво во обид

Шест активни пожари во земјава, ЦУК регистрира вкупно 15 огнени жаришта