Три лица се здобиле со полесни телесни повреди во сообраќајна несреќа што синоќа се случила на мостот „Беласица“ во Скопје.
Несреќата била пријавена во 20:50 часот, а според информациите од Министерството за внатрешни работи, во неа учествувале две патнички возила.
Станува збор за автомобил „мерцедес“ со скопски регистарски ознаки, управуван од 37-годишниот М.П. од Скопје, и возило „ауди“, исто така со скопски таблички, управувано од 21-годишниот О.Ц. од Скопје.
„Мерцедесот“ и „аудито“ се судриле на улицата „Беласица“, по крстосницата со улицата „Ѓуро Ѓоновиќ“ во правец кон трговскиот центар.
Во несреќата повредени биле двајцата возачи и еден сопатник, при што им биле констатирани телесни повреди.
На местото на настанот увид извршила екипа од СВР Скопје, а се преземаат мерки за утврдување на причините за несреќата.
