На денешен ден пред три години, Масакрот во „Владислав Рибникар“ ја потресе јавноста во регионот. Малолетник со иницијали К.К. отвори оган во основното училиште Владислав Рибникар во Белград, при што беа убиени десет лица – девет ученици и обезбедувач, а шестмина беа повредени.
Во спомен на жртвите, од 2024 година се организираат комеморативни настани, а оваа година Министерството за образование на Србија препорача од 4 до 8 мај да не се оценуваат учениците, во рамки на Неделата на сеќавање и единство. Активностите се посветени на оддавање почит и на жртвите од другите трагични настани во Дубона, Мало Орашје и Нишка Бања.
Во меѓувреме, продолжуваат и судските постапки поврзани со случајот. Родителите на сторителот, Владимир Кецмановиќ и Миљана Кецмановиќ, беа осудени во прв степен за занемарување и злоупотреба на малолетно лице, при што таткото доби затворска казна од 14 и пол години, а мајката три години.
Судот утврди дека таткото го обучувал синот да ракува со оружје и дека оружјето не било соодветно обезбедено.
Дел од пресудите беа предмет на жалбена постапка, при што беа донесени и измени за други инволвирани лица.