Американскиот претседател Доналд Трамп изјави дека очекува војната со Иран „брзо да заврши“, нагласувајќи дека целта е да се спречи Техеран да развие нуклеарно оружје. Во меѓувреме, медиумите известуваат за напредок во преговорите, а Иран потврди дека сè уште го разгледува американскиот предлог.
Според информации, САД работат на меморандум од 14 точки кој би можел да биде основа за поширок договор. Предлогот вклучува запирање на иранското збогатување ураниум, укинување на санкциите и повторно отворање на Ормутскиот теснец.
Од Техеран доаѓаат поделени реакции – дел од властите велат дека предлогот се разгледува, додека други го отфрлаат како неприфатлив.
Иранските претставници предупредуваат дека се подготвени за остар одговор доколку САД не направат отстапки, што покажува дека преговорите остануваат неизвесни.