Белата куќа соопшти во дека претседателот на САД, Доналд Трамп, бил подложен на медицински тестови за „благ оток“ во нозете и модринки на едната рака, што открива состојба на вените, честа појава кај луѓето над 70 години.
Портпаролката на Белата куќа, Каролин Ливит, за време на брифингот за медиумите сподели белешка од лекарката на Трамп во која детално е опишан прегледот. Трамп бил подложен на ултразвук и „сеопфатен преглед“ што вклучувал дијагностичка васкуларна студија, објави „The Hill“ .
Прегледот утврди дека Трамп, кој има 79 години, има хронична венска инсуфициенција. Состојбата се јавува кога вените во нозете на поединецот имаат тешкотии да ја вратат крвта во срцето, што предизвикува застој во крвта, според Клиниката во Кливленд.
Ливит рече дека нема докази за длабока венска тромбоза или артериска болест.
Неодамнешните фотографии открија и модринки на надлактицата на претседателот. Лекарот на Трамп рече дека трагите се „конзистентни со мали оштетувања на меките ткива од честото ракување“.
Трамп го имаше својот годишен лекарски преглед во април, по што неговиот лекар напиша меморандум во кој се вели дека претседателот е во „одлична здравствена состојба“.
-Претседателот Трамп покажува одлично когнитивно и физичко здравје и е целосно способен да ги извршува должностите на врховен командант и шеф на државата, напиша тогаш лекарот од Белата куќа, Шон Барбабела.
