Толку од примирјето во Газа, Израел и Хамас пак припукаа едни на други

Израелскиот премиер Бенјамин Нетанјаху ѝ нареди на армијата да изведе силни напади во Појасот Газа, откако ја обвини организацијата Хамас дека го прекршила примирјето. Израелската акција почнала откако борци на Хамас отвориле оган врз израелски војници во јужниот дел на Газа.
Инцидентот се случи во услови на зголемена напнатост, откако Хамас предаде ковчег кој, според Израел, содржел само делови од веќе вратено тело на заложник.